३. कार्यक्षेत्र र उद्देश्य
कार्यक्षेत्र
यस समितिको कार्यक्षेत्रभित्र ८४ कोश परिधिभित्र रहेको बृहत्तर बराहक्षेत्रका विभिन्न भूभागहरू पर्दछन्, जसमा सुनसरी, उदयपुर र धनकुटा गरी तीनै जिल्लाका निम्नानुसार गाउँपालिका, नगरपालिका र उपमहानगरपालिकाका स्थानहरू समावेश छन्:
१. सुनसरी जिल्ला
वराहक्षेत्र नगरपालिका, धरान उपमहानगरपालिका र रामधुनी नगरपालिकाको सम्पूर्ण क्षेत्र।
२. उदयपुर जिल्ला
बेलका नगरपालिकाको वडा नं. ३, ४, ५, ७, ८ र ९ को सम्पूर्ण क्षेत्र।
३. धनकुटा जिल्ला
सहिदभूमि गाउँपालिकाको वडा नं. १, २ र ३ तथा साँगुरीगढी गाउँपालिकाको वडा नं. ९ र १० को सम्पूर्ण क्षेत्र।
उद्देश्य
- बृहत्तर बराहक्षेत्रभित्र रहेका धार्मिक, ऐतिहासिक तथा सांस्कृतिक सम्पदाको संरक्षण र प्रवर्द्धन गर्ने।
- क्षेत्रको एकीकृत तथा योजनाबद्ध भौतिक पूर्वाधार विकास गर्ने।
- तीर्थयात्री तथा पर्यटकहरूका लागि आवश्यक सुविधा, सुरक्षा र सूचना प्रणाली सुदृढ गर्ने।
- कुम्भमेला, अर्धकुम्भमेला लगायतका ठूला धार्मिक आयोजनाहरूको सुव्यवस्थित सञ्चालन गर्ने।
- क्षेत्रलाई राष्ट्रिय तथा अन्तर्राष्ट्रिय धार्मिक पर्यटन गन्तव्यका रूपमा विकास गर्ने।